Merr lajme ekskluzive
Doni të informoheni të parët për lajme ekskluzive? Bashkohuni me grupin tonë duke klikuar këtu
“Kokaina, ylli i globalizimit dhe droga kryesore e shekullit të 21-të”.
Me këtë titull e nis shkrimin media e njohur franceze “Le Monde”, e cila flet për bandat e trafikut të drogës në vendet e Evropës, por edhe më gjerë.
“Në fillim të viteve 2000, qyteti bregdetar Marbella, në jug të Spanjës, mirëpriti trafikantë nga të gjitha sferat e jetës dhe më të pasurit shfaqën me kënaqësi suksesin e tyre.
Në Costa del Sol ku kokaina arrin me qindra kilogramë, ata përbëjnë një lloj “Kombet e Bashkuara të krimit””, thuhet në shkrimin e Le Monde.
Më tej në shkrimin e prestigjiozes franceze thuhet se në këto “Kombet e Bashkuara të krimit” ka mes të tjerëve edhe shqiptarë. Trafikantët thuhet në artikull bëjnë biznes, pastrim parash dhe shijojnë jetën.
“Ka italianë, irlandezë, shqiptarë, kolumbianë, të cilëve u shtohen edhe milionerët e rinj, marokenë apo spanjollë. Secili ka baret, lagjet dhe specialitetet e veta.
Vijnë këtu për biznes, pastrim parash, por edhe për festë, për të shijuar diellin dhe vajzat. Gjithashtu, duke larë hesapet: rreth njëzet francezë të përfshirë në trafikime të ndryshme u vranë midis viteve 1996 dhe 2002”, shkruan Le Monde.
“Nuk është rastësi që kjo zonë turistike është kaq e suksesshme. Kokaina ka shumë të bëjë me të. Në fund të viteve 1990, Zyra e Kombeve të Bashkuara për Drogën dhe Krimin vlerësoi prodhimin botëror në afro 1000 tonë çdo vit.
Ngopja e tregut amerikan dhe lufta kundër trafikimit i kanë shtyrë prodhuesit kolumbianë të kërkojnë tregje të tjera, veçanërisht në Evropë. Karteli meksikan Sinaloa, atëherë në kulmin e fuqisë së tij, filloi gjithashtu të shikonte drejt Kontinentit të Vjetër.
Prania në Spanjë e një diaspore të madhe të Amerikës së Jugut u ka dhënë organizatave kriminale dhe ka hapur perspektiva, veçanërisht në Costa del Sol, një rajon i njohur tashmë si një qendër logjistike për trafikun e kanabisit”.
…jetoilumtu.al/
burimi lajmifundit.al/
