Doni të informoheni të parët për lajme ekskluzive? Bashkohuni me grupin tonë duke klikuar këtu
Atmosfera është e tensionuar në Selanik, me incidente të vazhdueshme në rrugën Pontou në anën perëndimore të qytetit, mes policëve romë dhe MAT, ndërsa janë dëgjuar të shtëna që kanë rënë shi për plot pesë minuta.
Sipas Protothemës, ngjarja ka ndodhur kur personat e mbledhur më herët në vendngjarje, duke ndezur zjarre dhe duke vendosur barrikada, kanë sulmuar, para dhe gjatë ndërhyrjes së forcave të policisë, duke hedhur gurë dhe sende të tjera drejt MAT-it.
Policia ka vijuar sërish përdorimin e gazit lotsjellës ndaj personave që kanë mbetur të grumbulluar dhe kanë ngritur barrikada me zjarre, jashtë vendbanimit, ndërsa më herët policia ka përdorur kimikate, për të mos lejuar që romët të arrijnë në Nëndrejtorinë e Migracionit.
Në fakt, forcat e MAT-it kryen një ndërhyrje të re për të larguar ciganët nga barrikadat që kishin ngritur me zjarret, në hyrje të vendbanimit. Forcat e Zjarrfikësve të shoqëruar nga forcat e policisë po punojnë për shuarjen e flakëve në goma dhe objekte të tjera.
Vihet re se pak orë pas vendimit për caktimin e arrestit shtëpiak për policin , derisa Këshilli Gjyqësor të vendosë nëse duhet të caktohet masa e paraburgimit, romët kanë nisur sërish ndezjen e zjarrit në goma, dru dhe objekte të tjera, duke ngritur barrikada.
Sipas informacioneve nga burime policore, punonjësit e policisë së MAT-it urdhërohen të marrin të gjitha masat e vetëmbrojtjes. Bëhet e ditur se të shtëna nga karabina si dhe nga automatiku, janë qëlluar edhe në ngjarjet e ndodhura të mërkurën, në të njëjtin vend, me ciganët.
