Merr lajme ekskluzive
Doni të informoheni të parët për lajme ekskluzive? Bashkohuni me grupin tonë duke klikuar këtu
Policia e Bilishtit arrestoi në orët e para të mëngjesit të kësaj të marte një 27-vjeçare për prishje të qetësisë publike. E arrestuara është shtetasja Deizi Arapi, ndërkohë që është proceduar penalisht dhe motra e saj 23-vjeçare, Xhesika Arapi.
Dy vajzat e reja kanë filluar të bërtasin në qytet teksa po udhëtonin me automjetin e tyre, duke shqetësuar në këtë mënyrë qytetarët e tjerë në orët e vona të natës.
Gjithashtu, gjatë shoqërimit për në Komisariat, ato kanë fyer dhe kanë kundërshtuar me dhunë punonjësit e Policisë, gjatë ushtrimit të detyrës.
“Specialistët për Hetimin e Krimeve në Komisariatin e Policisë Devoll bënë arrestimin në flagrancë të shtetases D. A., 27 vjeçe, si dhe referuan materialet në Prokurori e filluan procedimin penal në gjendje të lirë për shtetasen Xh. A., 23 vjeçe, banuese në Bilisht, Devoll, pasi, në orët e para të mëngjesit të sotëm, këto 2 shtetase kanë prishur qetësinë publike në qytetin e Bilishtit, duke u kthyer në shqetësim për banorët.
Gjithashtu, gjatë shoqërimit për në Komisariat, ato kanë fyer dhe kanë kundërshtuar me dhunë punonjësit e Policisë, gjatë ushtrimit të detyrës”, njofton policia.
Dy motrat Arapi janë të njohura për sjelljet e tyre në qytetin e vogël të Bilishtit. Ato kanë pasur problem edhe më parë.
Në vitin 2018-të Deizi Arapit i kanë djegur makinën tip “Smart”.
Hetimet në atë kohë bënë me dije se djegia e mjetit mund të ishte bërë për hakmarrje mes vajzave.
burimi lajmifundit.al/
