Varianti i parë është që fituesi i këtij edicioni të Big Brother VIP Albania është Luiz Ejlli. Pse? Mjafton të lexosh komentet në çdo lajm që flet për të.
Ai që javën e dytë u “përqafua” nga publiku i gjerë i cili nuk po e lëshon gjatë gjithë kësaj periudhe loje.
Luizi i bëri për vete njerëzit në masë. Janë të shumta karakteristikat e tij, të cilat ndikuan që kjo të ndodhte, por humori dhe të qenurit i drejtpërdrejtë duket se janë arsyet kryesore.
Varianti i dytë është që fituese e këtij edicioni do të jetë aktorja Olta Gixhari. Ajo që mbizotëron nga komentet masive në publik, është se “Oltës i është premtuar fitorja.”
Komentuesit shpesh shprehen kështu: (cit) “Nese do të ishte lojë e pastër dhe fituesin do ta vendosin votimet por në këtë pikë nuk do kishte më lojë. Iliri vjet dhe Olta këtë sezon, sipas asaj që është me skenar, fitojnë BBV.”
Pra duket sikur fitorja rrotullohet rreth këtyre dy emrave, Olta Gixhari dhe Luiz Ejlli. Ky i fundit duket i pathyeshëm dhe ka fituar dashurinë e publikut. Ngelet për tu parë dhe deri në finale ka ende kohë. /Kosovarja/
