Ditën e sotme, ekipet e shpëtimit kanë kryer sërish kërkimet për gjetjen e 26-vjeçarit, Mateo Lika, i cili më parë u raportua i zhdukur.
Sipas raportimeve dyshohet 26-vjeçari ka rënë me një makinë në ujërat e lumit Seman.
Lika kishte ardhur për pushime nga Gjermania ku punonte.
Kërkimet për gjetjen e tij vështirësohen pasi makina që kishte marrë me qira nuk ishte e pajisur me GPS dhe kamerat e sigurisë nuk kanë një pamje të qartë të lëvizjes së të riut.
Pas kërkimeve janë gjetur vetëm targat e makinës. Tashmë ekipi i shpëtimit i ka mbyllur kërkimet për sot dhe pritet të rinisin nesër.
Ditën e sotme kërkimi ka shkuar deri në 1 kilometër por pa gjetur asnjë shenjë të 26-vjeçarit.
