Merr lajme ekskluzive
Doni të informoheni të parët për lajme ekskluzive? Bashkohuni me grupin tonë duke klikuar këtu.
Kryeministri Edi Rama ka uruar paraditen e së hënës, Giorgia Meloni-n, e cila ka marrë sot zyrtarisht detyrën si kryeministre e Italisë. Në një postim në Twitter, kreu i qeverisë uron gruan e parë të zgjedhur kryeministre nga populli italian.
Ndërsa i uron homologes së tij fat, kryeministri kujton se Shqipëria i detyrohet shumë Italisë, me të cilën “na lidh një miqësi e lashtë dhe vllazërore.
Giorgia Meloni është bërë kryeministrja e parë grua e Italisë duke formuar një qeveri të koalicionit të krahut të djathtë. Meloni u betua ditën e sotme para presidentit bashkë me 24 ministrat.
Të dielën në ora 12.00 do të zhvillohet mbledhja e parë e qeverisë Meloni dhe më 24 e 25 tetor, qeveria do të kërkojë votëbesimin në dy dhomat e Parlamentit italian.
26 ministra, 10 të zgjedhur nga Partia Fratelli D’Italia, 5 nga Forza Italia, 5 nga Partia “Lidhja” e 6 ministra teknikë është përbërja e ekzekutivit të drejtuar nga Giorgia Meloni, së bashku me dy zëvendëskryeministra, Matteo Salvini, njëherësh dhe Ministër i Infrastrukturës dhe Antonio Tajani, koordinator i Forza Italia dhe Ministër i Jashtëm.
Qeveria Meloni ka në përbërjen e saj 7 gra ministre, Giorgia Meloni, Kryeministre, Marina Elvira Calderone, Ministre e Punës dhe Politikave Sociale, Annamaria Bernini Ministre për Arsimin, Daniela Santanche Ministre Turizmi, Alessandra Locatelli Ministre e Personave me aftësi të kufizuar e Eugenia Maria Roccella Ministre e Familjes, lindshmërisë e mundësive të barabarta.
Ditën e djeshme, Presidenti i Republikës së Italisë, Sergio Mattarella, i dha detyrën e formimit të qeverisë Giorgia Melonit, e cila pranoi pa rezerva duke paraqitur listën e ministrave.
Meloni dhe aleatët e saj përballen me një listë të gjatë sfidash, përfshi rritjen e çmimeve të energjisë, luftën në Ukrainë dhe një recesion të mundshëm ekonomi
