Rigels Rajku i njohur si Noizy ka mohuar të gjitha lajmet që kanë qarkulluar prej kohësh se është në një lidhje me banoren e “Big Brother Vip Kosova”, Juliana Nurën, me anë të një videoje në Instagram. Reperi është shprehur se as nuk ka qenë as nuk do të jetë në një lidhje. Noizy shtoi se emri i tij është përdorur vetëm për të bërë zhurmë dhe klikime.
Më herët ka qenë vetë Xhuli e cila në një bisedë me Mbresën brenda shtëpisë u shpreh se ajo dhe Noizy janë pëlqyer me njëri-tjetrin dhe ishin duke u njohur për 5 muaj.
Për 5 muaj kemi qenë duke u njohur. Jemi pëlqyer por, nuk kemi qenë në një lidhje”, tha Juliana Nura.
Xhuli njëherë iu referua si “ish i dashuri” Noizyt, por që më pas u pendua dhe e quajti “shoki”.
Nga ana tjetër kujtojmë që me hyrjen e tij pak javë më parë në “Big Brother VIP Kosova”, Atdhe Xharavina menjëherë u pa shumë i afërt me Xhulin dhe u deshën shumë pak ditë që ata të nisnin një lidhje mes tyre.
Mirëpo kjo marrëdhënie siç nisi shpejt ashtu edhe përfundoi, pasi Atdheu hoqi dorë nga Xhuli pikërisht për shkak të lidhjes së saj jashtë.
Ndërkohë ish-konkurrenti i Për’puthen është eliminuar nga shtëpia e “BBVK”, ndërsa Juliana shihet si pretendente për të fituar.
