Doni të informoheni të parët për lajme ekskluzive? Bashkohuni me grupin tonë duke klikuar këtu
Deputeti i Partisë Demokratike, Gazment Bardhi ka nxjerrë zbuluar qeverinë, kryeministrin Rama dhe ministrin e Infrastrukturës, Belinda Balluku, të cilët kanë dhënë tre versione të ndryshme për ndërtimin e Portit Tregtar të Durrësit.
Ndryshe nga çfarë u tha dje gjatë prezantimit, ku kryeministri u shpreh se financimi do jetë 46% nga qeveria dhe 54 % nga PPP, ministrja Balluku rreth një muaj më parë është shprehur se financimi do të bëhet plotësit nga Autoriteti Portual Durrës.
Ky është një mashtrim dhe akt i paprecedentë thotë Bardhi, ndërsa thekson se kështu do të ndryshojnë edhe financimin për aferën e Portit të Durrësit
“Qeveria ka mashtruar Parlamentin. Një akt i rëndë dhe i paprecedentë.
Rama-Balluku përgënjeshtrojnë vetveten dhe në më pak se 1 muaj kanë thanë 3 opsione të ndryshme për financimin e portit të ri në Porto Romano.
Kështu do të ndryshojë edhe financimi për aferën e portit të Durrësit. Nga “Emaar” tek “Alabar” dhe më pas nuk dihet ku do të përfundojnë.
Ky është fakti më domethënës që shkatërrimi i Portit të Durrësit, do të shndërrohet në pastrimin më të madh të parave në histori”, shkruan Gazment Bardhi.
