Merr lajme ekskluzive
Doni të informoheni të parët për lajme ekskluzive? Bashkohuni me grupin tonë duke klikuar këtu
Drejtori i ri i policisë së shtetit Muhamet Rrumbullaku ishte sot në Lezhë. Ai mori pjesë në ceremoninë përkujtimore në kuadër të njëvjetorit të rënies në krye të detyrës të Dëshmorit të Atdheut, Nënkomisar Saimir Hoxha.
Në përfundim të ceremonisë gazetarët i zunë “pritë” për ta pyetur për hetimet e fundit për dosjen më të bujshme të momentit, Ervis Martinajn.
Por, sapo njëri prej gazetarëve përmendi emrin e Martinajt dhe vijoi me pyetjen, Rrumbullaku u largua duke mos pranuar që të flasë.
Jo vetëm për kryeministrin që i vendosi ultimatum, por drejtori i ri nuk ka një përgjigje as për qytetarët. I irrituar, Rrumbullaku u largua. Pak orë më pas shefi i tij, Edi Rama tha se nuk ka asnjë të re nga hetimet.
“Di të them që në momentin e parë që policia do të ketë provat e nevojshme do të ketë edhe komunikimin. Për sa kohë nuk ka komunikimin do të thotë që nuk ka ende provat e nevojshme”, tha Rama.
