Të paktën 36 persona mbetën të plagosur, 11 në gjendje serioze, pasi një avion i Hawaiian Airlines, që udhëtonte nga Phoenix në Honolulu, u përfshi nga turbulencat e forta.
Një pasagjer rrëfeu se lëkundjet ishin kaq të forta sa praktikisht njerëzit nisën të “fluturonin nga sediljet”. 20 persona u dërguan në spitalet e zonës më dëmtime në trup dhe gjendje të fikëti për shkak të dëmtimeve në kokë.https://www.youtube.com/embed/Byi7NXtRsi4
Në bordin e avionit Airbus A330-200 ishin 278 pasagjerë dhe 10 anëtarë të ekuipazhit.
Incidenti në fjalë ndodhi mëngjesin e së dielës, pak përpara se avioni të ulej në pistën e aeroportit ndërkombëtar të Honolulusë, Daniel K Inouye.
Një pasagjer tha se turbulencat zgjatën vetëm pak sekonda, por ishte e mjaftueshme për të plagosur pasagjerët.
Sipas asaj që shkruan BBC, në kohën kur ndodhën turbulencat në zonë u raportua për stuhi rrufesh. Autoritetet amerikanë njoftuan këtë të hënë se kanë nisur hetimet për incidentin e rëndë./tvklan.al
