Një 26-vjeçare po festonte natën e Krishtlindjes në Wallasey të Anglisë në një lokal me miqtë dhe motrën kur u qëllua për vdekje.
Policia tha se një person i armatosur hapi zjarr pranë hyrjes së përparme të lokalit dhe dyshohet se të shtënat kanë ardhur nga personi që ndodhej në një makinë.
4 meshkuj të tjerë që ishin brenda në lokal kanë pësuar plagë si pasojë e të shtënave me armë zjarri, ndërsa njëri është dërguar në spital në gjendje të rëndë shëndetësore.
Policia bëri të ditur se autori u largua me një makinë të errët që besohet të ishte një Mercedes i klasit A, i drejtuar nga një shofer mashkull.
Pas ngjarjes tragjike, lokali ku ndodhi vrasja doli me një deklaratë zyrtare: Mbrëmë ka ndodhur një tragjedi në lokalin tonë. Të gjitha mendimet tona janë me miqtë dhe familjen e klientëve tanë dhe në veçanti lutjet tona shkojnë për familjen e klientes tonë e cila ka humbur jetën. Jemi të tronditur nga kjo ngjarje.
Miqtë e 26-vjeçares e kujtuan të renë përmes postimeve në rrjetet sociale. Zemërthyer, ata thanë se “Parajsa ka fituar një ëngjëll”./tvklan.al
