Reshjet e dendura të shiut shkaktuan rrëshqitje masive dheu të shtunën herët në mëngjes në ishullin jugor italian të Iskias. Si pasojë 12 persona rezultojnë të zhdukur.
Forca e baltës që rrëshqiste nga malet ishte aq e madhe sa arriti të marrë përpara makina e autobusë duke i hedhur ato në det.
Rrugët janë bërë të pakalueshme dhe autoritetet u kanë bërë thirrje njerëzve të qëndrojnë në shtëpi. Të paktën 100 persona raportohen të kenë mbetur të bllokuar.
Doni të informoheni të parët për lajme ekskluzive? Bashkohuni me grupin tonë duke klikuar kët
Fillimish pati paqartësi mbi numrin e të vdekurve.
Zëvendës kryeministri italian Matteo Salvini tha se tetë persona ishin konfirmuar të vdekur, më pas ministri i brendshëm tha se nuk ishte konfirmuar ende asnjë vdekje, por 10 deri në 12 persona rezultonin të zhdukur.
Kryetari i bashkisë së Napolit u citua nga agjencia e lajmeve ANSA të ketë thënë se në ishull ishte gjetur trupi i një prej viktimave të mundshëm. ANSA njoftoi gjithashtu se të paktën 10 ndërtesa janë shembur./zeri i amerikes
