Policia e Tiranës ka vënë në pranga ditën e sotme 2 vëllezër turq të cilët dyshohen se ishin pjesë e një rrjeti të trafikut ndërkombëtar të lëndëve narkotike.
U. K., 41 vjeç, dhe K. K., 46 vjeç, me shtetësi turke, të dy banues në Tiranëu arrestuan për veprën penale “Trafikimi i narkotikëve”, kryer në bashkëpunim, ndërsa dyshohen se në bashkëpunim me të tjerë shtetas turq kanë kaluar nga Rinasi për në Turqi një sasi lënde narkotike.
Sakaq, materialet i kaluan Prokurorisë, për veprime të mëtejshme procedurale.
Doni të informoheni të parët për lajme ekskluzive? Bashkohuni me grupin tonë duke klikuar kët
Njoftimi i policisë:
Tiranë
Vihen në pranga 2 shtetas turq (vëllezër), si autorë të dyshuar dhe bashkëpunëtorë për trafik ndërkombëtar të lëndëve narkotike.
Në vijim të veprimeve të përbashkëta hetimore, mes Policisë shqiptare dhe asaj turke, për zbardhjen e plotë të rastit të trafikimit ndërkombëtar të lëndëve narkotike, në tetor të këtij viti, nëpërmjet Rinasit, specialistët për Hetimin e Narkotikëve të DVP Tiranë, në bashkëpunim me shërbimet e Policisë Kufitare të Qafë-Thanës, bënë ndalimin në PKK Qafë Thanë, të shtetasve:
– U. K., 41 vjeç, dhe K. K., 46 vjeç, me shtetësi turke, të dy banues në Tiranë, për veprën penale “Trafikimi i narkotikëve”, kryer në bashkëpunim.
Këta 2 shtetas janë autorë të dyshuar dhe dyshohet se në bashkëpunim me shtetasit turq, të arrestuar në tetor të këtij viti, në Turqi, kanë kaluar nga Rinasi për në Turqi, një sasi lënde narkotike.
Materialet i kaluan Prokurorisë, për veprime të mëtejshme procedurale.
