Merr lajme ekskluzive
Doni të informoheni të parët për lajme ekskluzive? Bashkohuni me grupin tonë duke klikuar këtu
Një tragjedi familjare zbardhet rreth 24 orë pas aksidentit të ndodhur mëngjesin e së martës në rrugën e re kombëtare Patras – Pirgos.
Pas përplasjes me një kamion, drejtuesi dhe pasagjerja e makinës kanë mbetur të plagosur rëndë dhe janë dërguar në spitalin “Agios Andreas”.
Behët fjalë për shqiptarët Eleni Çakuli, 43 vjeç, nga fshati Çaush, dhe bashkëshorti i saj Theofil Karleci, 54 vjeç.
Me gjithë përpjekjet e mjekëve për shkak të plagëve të marra, ata ndërruan jetë në një distancë prej pak minutash nga njëri-tjetri. Ata lënë pas tre fëmijë të mitur, dy vajza dhe një djalë
I plagosur në aksident ka mbetur edhe 70-vjeçari drejtues i kamionit, nga Amaliada, i cili po trajtohet në Spitalin e Përgjithshëm Shtetëror të Patrës “Agios Andreas”.
Njoftimi për vdekjen e tyre tronditi komunitetin lokal të Amaliadës, ku çifti drejtonte një kafene.
Hetimet për shkaqet dhe rrethanat e sakta të aksidentit po kryhen nga Departamenti Hetimor i Policisë Rrugore Patrës.
