Aktorja më e paguar i pëlqen ëmbëlsirat: Thotë se “plakja është më e mirë” për shkak të pesë rregullave në dietë!

Sofia Vergara konsiderohet si një nga femrat më të bukura në botë, e cila, ndonëse koha “fluturon”, duket se për të sikur është ndalur

Një nga mënyrat për ta bërë këtë është aplikimi i një diete të shëndetshme, prandaj Sofia, e cila u shpall aktorja më e paguar, thotë se “plakja është më e mirë”.Është interesante se Sofia i adhuron ëmbëlsirat, por në çdo gjë gjen masën e duhur, transmeton Telegrafi.

Kur bëhet fjalë për aktivitetin fizik, aktorja kombinon ushtrimet e forcës dhe stërvitjet kardio. Zakonisht nget biçikletën, ndërsa stërvitjet kryesore janë ngritja e peshave dhe pompat.

Ajo me pamjen e saj theu iluzionin e shumë vajzave që mendojnë se do të bëhej “muskulore” për shkak të ngritjes së peshave por për këtë e ndihmon “dieta e famshme kolumbiane”.

Rregulli kryesor i kësaj diete është të përmbajë pesë vakte në ditë e cila do të ndihmojë në humbjen e yndyrës nga pjesët e dëshiruara të trupit.

Për mëngjes, Sofia preferon një smoothie me fruta dhe perime të freskëta pa yndyrë, ndërsa për mesdrekë konsumon fruta të thata ose pije qumështi. Për drekë, gati çdo ditë, ha makarona ose oriz me një salcë që nuk përmban yndyrë pothuajse dhe më pas sërish fruta të freskëta ose tërshërë me një gotë lëng të saposhtrydhur. Aktorja konsumon mish për darkë për shkak të marrjes së proteinave ose peshk me karbohidrate me indeks të ulët glicemik, sallatë të gjelbër.

Me siguri e keni dëgjuar pafundësisht se sa i rëndësishëm është uji për shëndetin, por edhe për bukurinë për shkak të hidratimit, dhe Sofia i përmbahet rreptësishtë këtij rregulli. Ajo beson se uji kontribuon në reduktimin e indit dhjamor, për këtë arsye ajo pi shumë në baza ditore.

Showbiz Info

Jeto I Lumtur.al