Merr lajme ekskluzive
Doni të informoheni të parët për lajme ekskluzive? Bashkohuni me grupin tonë duke klikuar këtu
Policia e Tiranës ka finalizuar operacionin e koduar “Camel 2”, për goditjen e veprimtarisë kriminale në fushën e narkotikëve.
Në këtë operacion janë sekuestruar pako me lëndë të dyshuar narkotike cannabis sativa, në formë çokollate, si dhe vihet në pranga poseduesi.
Gjatë kontrollit të automjetit tip “Seat” me drejtues shtetasin L. B., te Ish-Fusha e Aviacionit, polica gjeti një sasi lënde të dyshuar narkotike cannabis sativa, në formë çokollate, të ndarë në pako.
“Shërbimet e Komisariatit të Policisë Nr. 2, në vijim të punës për goditjen e paligjshmërisë në fushën e narkotikëve, bazuar dhe në informacionet e marra në rrugë operative, kanë organizuar dhe finalizuar operacionin policor të koduar “Camel 2”.
Si rezultat i këtij operacioni u bë arrestimi në flagrancë i shtetasit L. B., 34 vjeç, banues në Tiranë.” – njofton policia.
Materialet i kaluan Prokurorisë, për veprime të mëtejshme procedurale.
