Merr lajme ekskluzive
Doni të informoheni të parët për lajme ekskluzive? Bashkohuni me grupin tonë duke klikuar këtu
Mbremjen e sotme në Shkodër, është ekzekutuar 19-vjeçari i identifikuar si Erjon Xhenje.
Lajmet e fundit tregojne se ora shënonte 20:10 kur i riu u qëllua me armë zjarri teksa ishte duke pirë kafe në një lokal pranë kryqëzimit të Kirasit, në zonën e njohur si ‘Rruga e Gjerë’.
Autorët që po lëviznin me motoçikletë qëlluan me breshëri plumbash duke e lënë të vdekur në vend.
Trupi i viktimës u mor nga autoambulanca pasi qëndroi për rreth 30 minuta në brendësi të lokalit.
Policia beri me dije se eshte në kërkim të autorëve që dyshohet të jenë larguar përmes rrugicave dytësore.
Rreth 500 metra larg vendit të ngjarjes, në lagjen ‘Guerile’ është gjetur duke u djegur motoçikleta së bashku me armën e zjarrit që dyshohet se i përket autorëve.
Menjëherë pas të shtënave me armë, e gjithë zona është e rrethuar nga forcat e policisë dhe grupi hetimor.
