Doni të informoheni të parët për lajme ekskluzive? Bashkohuni me grupin tonë duke klikuar këtu
Me një sulm spektakolar në Sevastopol, shtëpia e flotës ruse të Detit të Zi, Ukraina po përshkallëzon sulmet e saj ndaj forcave ruse në një pikë ku ato duhet të ndihen relativisht të sigurta.
Kievi, i cili për momentin nuk ka marrë përgjegjësinë, dyshohet se ka përdorur dronë fluturues.
Rusia ishte e shpejtë për të fajësuar drejtpërdrejt fuqitë perëndimore për planifikimin dhe kryerjen e sulmit
Se çfarë shkaktoi sulmi, për sa i përket dëmtimit të anijeve të flotës, mbetet ende e paqartë.
Nga pala ukrainase ka rrjedhur informacioni jozyrtarisht se është goditur (edhe) një fregatë ruse.
Por edhe nëse dëmi nuk është i madh, natyra simbolike e goditjes nuk mund të injorohet dhe as që mbrojtja e Rusisë “u kap në gjumë”, dhe jo vetëm për shkak të orës së vonë.
Ukraina ka kryer një sulm “masiv” me dronë në flotën e Detit të Zi në qytetin port të Krimesë, Sevastopol, duke dëmtuar një anije luftarake, thotë Rusia.
Sipas saj, janë përdorur nëntë dronë, por Ukraina ende nuk i ka komentuar këto pretendime.
Pa dhënë prova, Rusia akuzoi trupat britanike për përfshirje në sulmin e së shtunës – dhe në hedhjen në erë të tubacioneve të gazit muajin e kaluar.
Në përgjigjen e saj, ministria e Mbrojtjes e Mbretërisë së Bashkuar tha se Rusia “po shpërndante pretendime të rreme në një shkallë epike”.
Sulmi i së shtunës vjen pasi trupat ukrainase rimorën me sukses territorin e pushtuar nga trupat ruse që kur nisën pushtimin e tyre më 24 shkurt.
Rusia është përgjigjur duke nisur sulme në shkallë të gjerë në infrastrukturën ukrainase, veçanërisht në rrjetin energjetik të vendit.
Sevastopol është qyteti më i madh në atë rajon dhe shtëpia e flotës ruse të Detit të Zi.
Në prill, anija kryesore e flotës ruse të Detit të Zi, kryqëzori raketor Moskva, u mbyt pranë Krimesë. Rusia tha se një shpërthim municioni shkaktoi dëmin që fundosi anijen, ndërsa Ukraina pretendoi se e kishte fundosur anijen me një sulm raketash.
Më 9 gusht, një bazë ajrore ushtarake ruse në Krime u trondit nga disa shpërthime që shkatërruan të paktën nëntë avionë ushtarakë. Agjencia gjermane e lajmeve DPA më 19 gusht, duke cituar zyrtarë ushtarakë perëndimorë tha se sulmi në bazën ajrore Saky kishte nxjerrë jashtë funksionit më shumë se gjysmën e avionëve të Flotës së Detit të Zi dhe e detyroi flotën të ndërmerrte një pozicion mbrojtës.
